Arraun Elkarteko zuzendaritza hartzeko lehenengo zerrenda aurkeztu da

Orio Arraunketa Elkarteko hauteskunde batzordeak jakinarazi du zuzendaritza taldea osatzeko lehenengo zerrenda jaso duela; hamazazpi kidez osatutako zerrenda da, eta zerrendaburu Ibon Huegun Bengoetxea da; beraz, beste zerrendarik aurkeztu ezean hau izango litzateke elkarteko presidentea. Halaber, lehendakari ordea postua izateko Hose Luis Loidi da hautagai; hirugarren postuan, bigarren lehendakari orde izateko, berriz, Jose Ramon Garate da. Garate, aurreko zuzendari batzordeko idazkari izan zen. Ostiralean amaituko da hauteskunde zerrendak aurkezteko epea; horretarako, Orio AE-21 Postakutxa - 20810 - Orio helbidera bidali behar da. Zerrenda gutxienez bederatzi bazkidek osatu beharko dute. Hautagai zerrenda bakarra balego, aurkeztutako zerrendak hartuko luke zuzendaritza; bat baino gehiago aurkeztuko balira, ordea, hauteskundeak izango dira; hauteskunde batzordeak bozketak azaroaren 5ean egitea proposatu du. ZERRENDA: - Ibon Huegun. Lehendakaria. - Jose Luis Loidi. Lehendakari ordea - Jose Ramon Garate. Bigarren lehendakari ordea. - Ramon Alkain. Idazkaria. - Jose Manuel Agurresarobe. - Lino Mari Carrera. - Iñigo Garmendia. - Angel Martinez de la Higalda. - Angel Rekalde. - Jesus Mari Aierza. - Joxe Carrera. - Zigor Gazpio. - Oihana Mateos. - Iñigo Arruti. - Aitor Errasti. - Patxi Iribar. - Jose Ignacio Mujika.