Erabilitako diskak , liburuak, arropak eta bestelako hamaika produktu ikusteko eta erosteko aukera izan dute gaur goizean oritoarrek; postu ugari jarri dituzte goizean goizetik Orioko Ikastola aurreko plazan egin duten bigarren eskuko azokan, eta dozenaka herritar hurbildu dira bertara. Ohiko produktuez gain, tortila patata pintxoak ere saldu dituzte gazte batzuk. Eguerdira bitartean egon da zabalik azoka.
