Eduki hau partekatzeko esteka arbelera kopiatu da.
Udaleko Gizarte Ongizate batzordeak alzheimer gaixotasunaren inguruko saioa antolatu du datorren astearterako. Lehendabizi, Bicicleta, manzana, cuchara dokumentala eskainiko dute, 15:30ean, kultur etxeko areto nagusian; bertan, Pasqual Maragall Kataluniako Generalitateko presidente ohiak gaixotasun horren aurka daraman borroka azaltzen du. Carles Boschek zuzendu zuen dokumentalak saria jaso zuen Donostiako zinemaldian, iaz.
Sendia egitasmoaren barruan antolatu dute saioa; emanaldiaren ondoren, egitasmoaz arduratzen den Gloria Martin psikologoak gaiaren inguruko solasaldia eskainiko du.