Eduki hau partekatzeko esteka arbelera kopiatu da.
Orioko irabazi asmorik gabeko kirol elkarteek 2011. urtean edo 2010-2011 denboraldian egingo dituzten jardueretako diru laguntzak eskatu ditzakete dagoeneko. Eskaerak hilak 26 baino lehen aurkeztu behar dira.
Diru laguntzak herriko kirol elkarteen ohiko jarduerak egiteko edota Orion egin nahi diren ez ohiko edo aldi baterako jarduerak egiteko eskatu ahal izango dituzte. Halaber, ez ohiko edo aldi baterako ekintzak udal batzordeak onartuko ditu.
Laguntzak eskatzen dituztenek orri ofiziala bete beharko dute. Eskaera orria Udaletxean eskuratu daiteke. Eskaeren inguruko laguntza behar izanez gero, Orioko kirol teknikari Mikel Izquierdorengana jo daiteke hilak 18tik aurrera.
Informazio gehiagorako, berriz, 943 83 00 28 telefonora deitu edota orio.euskara@udal.gipuzkoa.net helbidera idatz daiteke.