Bada zer egin asteburuan Azkoitian

Hamaika zeregin daude astebururako Azkoitian. Gaurtik astelehenera, Amama filma botako dute Baztartxon. Lehen saioa 22:00etan izango da, gaur. Bihar, larunbata, ordu berean botako dute Asier Altunak zuzendutako euskarazko filma eta, igandean, 19:30ean hasiko da. Astelehenean, ikuslearen eguna, 20:ooetatik aurrera ikusi ahalko da. Larunbat arratsaldez, gaztetxoei zuzendutako Etxe Magikoa filma ikusteko aukera izango da, 17:15ean. 15. Bidaia Tertulien bigarren saioa izango da gaur. Hala, Maialen Astigarragak eta Igor Mayorak Transiberianoan bidaiatuz izenburupean azalduko dituzte beraien abenturak, 19:30etik aurrera, Kultur Etxean. Azkoitiko Matadeixen Bebarruko Jardunek martxan jarraitzen dute, eta, bihar, zapatua, Arenna eta Tutan Come On taldeen kontzertuak ikusteko aukera dago, 22:30ean. Igandean, Nadia Bakarte artista bilbotarrak marrazketa esperimentalaren inguruko tailerra emango du Matadeixen bertan, 16etatik 21:00etara. Musika alde batera utzi gabe, Kamera Orkestra kontzertua eskeiniko dute Organo Erromantikoaren Nazioarteko XVI. zikloaren baitan, 20:00etan, parrokian. Azkenik, Porrukaleko festak errepikatuko dira aurtengoan ere. Gaurtik hasi eta igandera arte honako egitaraua prestatu dute: Gaur, ostirala 19:00. Txupinazoa trikitilariekin eta, ondoren, pintxo-potea K5, Olaberri eta Dean tabernetan. 22:30. Erromeria Laja eta Poxpikin. Bihar, zapatua 12:00. Trikitilariak. 16:30. Umeentzat jolasak (lokotx bilketa, zaku karrerak...) 19:30. Triki-poteoa. 23:00. Azkaiter Pelos taldearen kontzertua eta, ondoren, DJ Ugutz. Etzi, igandea 11:00. Porrukalean hildakoen aldeko meza. 12:30. Triki-poteoa. 14:45. Festa bukaerako txupinazoa. 15:00. Bazkaria Ixidro erretegian. Izen ematea Etxeza harategian eta Olaberri tabernan.