Elkanoren bidaia zikloaren barruan hainbat hitzaldi eta jarduera egiten ari dira Getarian, eta hurrengo hitzordua larunbat goizean izango dute, Xabier Alberdi historialari zarauztarraren eskutik. Hitzaldi ibiltaria eskainiko du Elkanoren heriotzaz eta ozeanoetako nautikaz eta teknologiaz.
Getariako Udalak antolatu du jarduera hau ere, eta larunbatean izango da, 10:30ean, Turismo Bulego aurretik abiatuta. Bertan parte hartzeko izena aurrez eman behar da, tokia mugatua delako. Horregatik, getariarrek lehentasuna izango dutela azaldu dute.
Interesa dutenek Turismo Bulegoan eman dezakete izena, infoturismo@getaria.eus helbidera mezua idatzita, edo 943-14 09 57 telefono zenbakira deituta.