Igande honetan ospatuko dute getariarrek Dantzari Txiki eguna, eta jai egun handi horretarako goizetik iluntzera arteko egitaraua prestatu dute Gure Txeruko kideek.
Ia 200 haur eta gaztetxok parte hartuko dute ekitaldietan, eta horietatik 80 herrikoak bertakoak izango dira, Gure Txeruko dantzari gazteak, alegia.
Ohi bezala, hainbat herritatik etorriko dira dantzariak Getariara, aurten Zarauztik, Itziartik, Lezotik, Pasaiatik eta Aresotik.
Egitarauari dagokionez, urteroko antzekoa izango da. Honakoa da, zehazki:
- 10:00. Dantza talde guztien topaketa eta talde argazkia Sahatsaga goian.
- 10:30. Kalejira herriko kaleetan zehar.
- 13:00. Emanaldia frontoian dantza talde guztiek batera.
- 14:00. Bazkaria.
- 16:30. Erromeria Elizagoien ahizpekin.