Getariako udal bulegoa herritarrentzat astelehen arratsaldeetan ere irekita egongo da aurrerantzean. Bi orduz egongo da zabalik, 17:00etatik 19:00etara, urritik apirilera bitartean.
Udalak azaldu du neurri horren helburua herritarren beharretara hobeto egokitzea dela, eta udal zerbitzuetarako sarbidea erraztea, bereziki goizez bertaratzeko aukerarik ez dutenentzat.
Ohiko arreta ordutegiari eutsiko zaiola ere jakinarazi du udalak: astelehenetik ostiralera, udal bulegoa irekita egongo da 09:00etatik 13:00etara.
Getariako Udalak herritarrak animatu ditu ordutegi zabalago hau baliatzera, udalarekin harremanak errazteko eta arreta hurbilagoa eskaintzeko helburuarekin.