Bihar arratsaldean egingo dute Errege Magoen desfilea Getarian, 18:30ean hasita. Aurretik, bezperan, mezulari bat bidali dute kostaldeko herrira: Bizarzuri, hain zuzen. Berrikuntza gisa, Bizarzuriren ohiko jantziak alde batera utzi, eta postari bezala jantzi dute. Izan ere, ohikoa duen bezala, herriko haurren desioak biltzen dituen gutunak jasotzen aritu da udaletxeko atarian, gero Errege Magoei emateko.
Hotz egin du arratsaldean, baina euririk ez da izan, eta horrek animatu egin ditu haurrak eta haien gurasoak igande arratsaldean egindako ekitaldian parte hartzera.