Getariako Udalak bi kultur saio antolatu ditu datozen asteetarako, eta gaurtik daude eskuragarri sarrerak nahiz gonbidapenak Turismo Bulegoan. Batetik, abenduaren 21ean, igandearekin, Asisko Urmeneta sortzailearen Sorgina banaiz dokumentala proiektatuko dute, eta ondoren, solasaldia izango da. Hitzordu hori 18:30ean Iturzaeta aretoan da, eta aretora sartzeko beharrezkoa izango da gonbidapena hartzea.
Bestetik, Kalakan musika taldeak kontzertua eskainiko du abenduaren 28an, igandearekin, 18:30ean hasita Salbatore Deuna parrokian. Sarrerak 5 euro balio du, eta horiek ere Turismo Bulegoan erosi beharko dira. Gaurtik daude eskuragarri.