Ohi bezala, Euskararen Nazioarteko Egunaren harira gaur, Abenduaren 3an, Iturzaeta Herri Eskolatik plazara kalejiran joatekoak ziren ikasle guztiak 15:00etan, ondoren udaletxeko balkoitik adierazpena irakurri eta kantatzeko asmoz. Dantza saioa egitekoak ere baziren. Baina eguraldi txarra medio, ikastetxe barruan egin dituzte ekintzok.
Gero, ordea, udalak antolatutako ikuskizunaz gozatu ahal izan dute, normaltasunez. Ai, Zapotxin! Baratxuri zoparen sekretua emanaldia 17:30ean hasi da, Berdura Plazan.
Hurrengo egunetan jarraituko du euskararen aldeko egitarauak. Honako ekintzak antolatu dituzte:
- Abenduak 5,ostirala: 21:00etan, bertso afaria Gaztetxean Libe Goenaga, Danel Olano, Amets Aizpuru eta Aitor Salegi bertsolariekin. Gai jartzen, Ane Ezenerro. Antolatzailea: Getariako Gazte Asanblada (GGA).
- Abenduak 6, larunbata:12:30ean kantujira, plazatik abiatuta, Getariako Salbatore Abesbatzako kideekin.