Datorren asteartean, abuztuaren 19an, Donostiako Musika Hamabostaldia dela eta, Doodem ikuskizuna eskainiko dute Eñaut Zubizarreta abeslari nahiz biolontxelo eta perkusio jotzaileak, Iñigo Xalbador saxofonistak eta Amaiur Luluaga dantzariak Getarian. Cristobal Balenciaga museoan izango da emanaldia, 20:30etik aurrera.
Moruk Senegaldik Europara egindako bidaia kontatzen duen emanaldia da Doodem, eta kontakizuna egiteko, agertokian musika eta dantza uztartuko dituzte Zubizarretak, Xalbadorrek eta Luluagak.
Ikuskizunerako sarrerak aldez aurretik erosi beharko dira. 16 euroren trukean eskura daitezke horiek honako esteka honetan.