XIII. Floren Memoriala futbito txapelketako azken partidak jokatu zituzten pasa den larunbatean, arratsalde partean, Getariako frontoian. Eguraldia lagun, herritar ugari bertaratu zen pilotalekura partidak ikustera.
Ligako hirugarren eta laugarren postuak erabakitzeko partida jokatu zen lehenbizi. Kaia Kaipe taldeak 3 eta 2 emaitzarekin irabazi zion Itxas Etxeri. Kopako finalaren txanda izan zen ondoren, eta Marukak aise irabazi zuen, 1 eta 4 emaitzarekin, Galsenen aurka. Ligako finala izan zen jokatzen azkena, eta Izarri eta Astillero aritu ziren garaipenaren bila. Astillerok 2 eta 3 emaitzarekin irabazi zuen partida eta, ondorioz, txapelketa ere.