Miren Agur Meabe idazleak Getarian egindako sormen egonaldiaren ostean idatzitako lana aurkeztuko du aste honetan. Amorante frantsesa poema bidezko eleberria da eta 60 urteko ikastetxe bateko atezaina du protagonista. Osasun mental arazoak dituen ahizpaz arduratu eta berriz loratzeko sentitzen duen irrika asetu nahi ditu Agurtzanek. Irati Beraza ikaslearen gorpua Artxandan agertu izanak, ordea, detektibe amateur bilakatuko du. "Pertsonaia arrunt baten epopeia xumea, thriller ukituekin", dakarrela dio liburuaren kontrazalak.
Aurkezpena ekainaren 11n, asteazkenarekin, izango da Zarautz Jauregian, 18:30ean hasita. Jone Lizarralde Ibabe arituko da aurkezle lanetan.