Getariako Gazte Asanbladak hamazazpigarren urteurrena ospatuko du datorren larunbatean, eta egun osoko egitaraua prestatu du egun horretarako.
Eguerdiko 14:30ean hasiko da festa, herri bazkariarekin. Bazkal ostean, bingo musikatua egingo dute, Iturrisen eskutik. Amaitutakoan, GGA Zazta izango da. Arratsaldetik aurrera, berriz, musika izango da protagonista. Urteurrena biribiltzeko, kontzertuak antolatu dituzte 22:30etik aurrera: Obego, Las Moskas Retrompeteras eta artista sorpresa bat igoko dira oholtza gainera.
Herri bazkarira joan nahi dutenek tiketak erosi beharko dituzte Harritarten edo 688 60 68 65 (Itsaso) zenbakira idatzita.