Getariako Gazte Asanbladaren maiatzeko egitarauaren barruan, Xabier Madariaga kazetari bizkaitarraren Aske bizi dokumentala emango dute. Igande honetan izango da proiekzioa, 18:30ean hasita, gaztetxean.
Ikus-entzunezkoak LGTBIQ+ kolektiboko kideen bizipenak eta adierazpenak jasotzen ditu. Horretarako, Madariagak norberaren sexu izaeraz, erreferenteen garrantziaz, egungo gizartearen ikuspegiaz, maskulinitate ezberdinez, norbanako eta kolektiboaren ibilbideez zein beraien harrotasunaz hitz egin du hainbat pertsonekin.