Getariako Udalak atera du aurten ere Katrapunako plazako kantina erabiltzeko eta ustiatzeko esleipena, eta interesa dutenek bihar, ostirala, izango dute proposamena aurkezteko azken eguna. Udalak kaleratutako oinarrien arabera, lizitazioaren prezioa 6.000 eurokoa izango da, eta kantinak jendearentzat irekita eta horiei zerbitzua eskainiz egon beharko du 2025ko ekainaren 1etik irailaren 30era arte.
Kantina ustiatuko duten herritarrek epealdi hori azaroaren 2ra arte luzatu ahalko dute, eta Getariako Euskal Jaietako asteburuan ere zerbitzua emateko aukera izango dute.
Ohi bezala, eskaintzara bi pertsonak batera aurkeztu beharko dutela azaldu du udalak, eta baldintzak betetzen dituztenen artean zozketa bidez esleituko dela ustiapen-zerbitzua. Proposamena udalaren egoitza elektronikoaren bitartez aurkeztu behar da, eta esleipenri loturiko agiriak eta dokumentuak lotura honetan daude ikusgai.