Getariako Jubilatuen Elkarteak egunpasa antolatu du Baionara (Lapurdi) urriaren 31erako. Goizeko 09:00tan aterako dira autobus geltokitik, eta 10:00etan Miarritzeko Parke Publikoa ezagutuko dute.
Hamaiketakoa egin ostean, Miarritze ikusteko aukera izango dute, eta 12:00 aldera, Baionako karrikak eta katedrala bisitatuko dituzte.
Eguerdian, Euskal Museoa ezagutzeko bisita gidatua egingo dute, eta 14:30ean, bazkaltzeko tartea izango da Kalostrape jatetxean. 18:00etan, etxera itzuliko dira.
Izena emateko epea urriaren 25era arte dago zabalik. 55 euro balio du egunpasak, eta dirua Laboral Kutxan c/c 1920009799 Bidaiak, Getarian sartu beharko da.