Eguraldi paregabea tokatu zaie getariarrei Euskal Jaiaz behar bezala gozatzeko. Atzo arratsaldean Gure Txeru elkarteko dantzari txikiek emanaldi ederra eskaini zuten frontoian, eta saio horrekin hasi zen bi egunetako egitaraua. Gauean, dantzari helduen txanda izan zen. Dantza herri izenburupean, gozatua hartu zuten dantza egitera animatu ziren bikoteek.
Gaur, berriz, egun osoan izango da festa giroa herrigunean. Honakoa da gaurko egitaraua:
Gaur, larunbata
Frontoian taloak eta garagardo aritsaua eskainiko dituzte.
- Goizean zehar. Diana txistulari, trikitilari eta pandero-joleekin, Sahatsaga Goitik hasita.
- 09:00. Gazte Alaiak taldeko txistulariak abiatuko dira.
- 10:00. Musika Eskolako trikitilariak eta pandero-joleak eta Enbilen Pepitak panderistak izango dira.
- 11:30. Musika Eskolako trikitilari haurrak kalez kale ibiliko dira alde zaharrean eta plazan.
- 12:30etik aurrera. Kantu-jira Arrai Zoparekin.
- 18:30. Jaiki Hadi taldearekin emanaldia. Muxikoak eta beste dantzak, plazan. Bitartean, mikro irekia irrintziak botatzeko. Irrintzi onena sarituko dute.
- Ondoren, Larrain Dantza, plazan.
- 22:30. Erromeria Trikiteens taldearekin, plazan.
(Argazkiak: Arnaitz Rubio Aprea)