Aurrera doa Gipuzkoa Bertsotan txapelketaren sailkapen fasea. Hainbat herritan izan dira saioak, tartean Zestoan eta Orion, eta gaur eskualdeko beste herri batek hartuko du bertso lehiaketa: Getariak. Hitzordua 19:00etan da Iturzaetan, eta oraindik sarrerak erosteko aukera dago. Internetez hemen eros daitezke, eta aretoko leihatila, berriz, saioa baino orduerdi lehenago zabalduko dutela jakinarazi dute; hau da, 18:30ean.
Sei bertsolari parte hartuko dute gaurko sailkapen faseko saioan, eta horietako bat Oier Aizpurua zarauztarra izango da. Beste bostak, berriz, hauek dira: Txomin Azpiroz, Odei Lopez, ,Urko Arregi, Jon Altuna eta Ekain Tolaretxipi.
Gaiak jartzen, berriz, getariar bat ariko da: Uxune Areizaga bertsolaria.