[EGUNERAKETA] Hil egin da goizean Getarian istripua izan duen motozalea

Onintza Lete Arrieta 2024ko urtarrilaren 21a
Deskargatu Info Ahotsak :
Español English Français Català Galego

Ertzaintzaren arabera, motozalea larri zaurituta eraman dute Donostia Ospitalera, eta han hil da. Eibartarra zen eta 58 urte zituen. Istripuaren ondorioz N-634 errepidea itxita egon da goizean, eguerdira arte. 

Getarian istripu larria gertatu da gaur goizean N-634 errepidean, Bilborako noranzkoan. Auto batek eta moto batek elkar jo dute, eta ondorioz, motozalea Donostia Ospitalera eraman dute, larri zaurituta. Ertzaintzak orain ohar bidez jakinarazi duenez, ospitalean hil da pertsona hori. 58 urteko gizonezkoa zen, eibartarra.

Larrialdi zerbitzuek 10:15 aldera jaso dute abisua, eta errepidea bi noranzkoetan itxita eduki dute 12:00 arte.

Ertzaintzak jakinarazi duenez, istripua izan duen autoa txirrindulariak aurreratzen hasi da eta kontrako noranzkoko erreira sartu da, eta motoa jo du aurrez aurre. Ertzaintzak, dena den, gertaerak argitzeko ikerketa abiatu du.

(16:50ean eguneratutako albistea)

Gizartea Getaria

Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide