Badatoz sanantonak. Getariarren urte hasierako festa horietan urtero errepikatzen dira zenbait ekitaldi, eta horietako bat izaten da bertso jaialdia. Hilaren 14rako antolatu dute, eta sarrerak jada salgai jarri dituzte Turismo Bulegoan. Egunean bertan, leihatilan ere eskuratu ahalko dira.
Saioa Balentziaga Museoan izango da, 18:00etan, eta sarrerak 10 euroan daude salgai.
Kantuan sei lagun elkartuko dira: Andoni Egaña, Onintza Enbeita, Miren Artetxe, Julio Soto, Maddi Ane Txoperena eta Amets Aizpurua. Gaiak Uxune Areizagak jarriko dizkie.