Gau Beltza indarra hartzen ari da azken urtetan Euskal Herrian, eta Getarian ere ospatu dute arimen haua usadioari jarraituz. Gure Txeruk antolatu ditu dantzaldia eta gaztaina erre jana iluntzean, eta 19:00ak ematerako jaia hasteko irrikaz zeuden plazan bildu diren haur eta gaztetxoak. Gustura ibili dira euren artean dantzan eta jolasean, eta nabaritzen zen gogoz prestatu dituztela mozorroak. Izan ere, usadioak dio Gau Beltzean hildakoak hilobietatik ateratzen direla; hildakoek eta bizidunek elkarrekin igarotzeko gaua irudikatzen du jaiak, eta hildakoek bizidunak ezagutu ez ditzaten bizidunak aurpegiak estalita ateratzen dira kalera.