Ohi ez bezala, aurten bi egunetan ospatuko dute Getarian Alkate Txiki Eguna. Bihar hasiko da egitaraua, 18:30ean, gazteenek makila hartzen dutenean, eta jarraian plenoa egingo dute. Ondoren, 19:30ean, Haitzeko pasabidearen inaugurazioa egingo dute, eta segidan pregoia, suziria eta buruhandiak izango dira herrian.
Larunbatean, aldiz, arratsaldean jarraituko du egitarauak, 17:30ean hasiko diren herri kirolekin. 19:00ak aldera, berriz, suziria eta buruhandiak izango dira, eta jarraian, 20:15 bueltan, afaria egingo dute. Antolatzaileek azaldu dutenez, gainera, bakoitzak berea ekarri beharko du etxetik. Festa amaitzeko, DJ Aros izango da musika jartzen, 21:00etatik aurrera.