Herritarren bilgune izan, eta Getariako askotariko kulturak ezagutu eta sareak sortzeko helburuarekin, Nazioarteko Jakien II. Azoka izan zen atzo. Artzape Euskara Elkarteak eta udalak elkarlanean antolatutako azokan zazpi herrialdetako jakiak dastatu ahal izan zituzten herritarrek: Senegal, Maroko, Errumania, Argentina, Nikaragua, Txina eta Euskal Herria.
Jakiez gain, kulturak ezagutzeko ahalegina izan zen atzokoa. Izan ere, Kawadeni taldearen eskutik, Afrika mendebaldeko musika eta dantza emanaldia izan ziren azokak iraun bitartean.