Dantzaz eta musikaz gozatzeko aukera izango dute herritarrek gaur iluntzean Cristobal Balentziaga Museoan. Izan ere, Donostiako Musika Hamabostaldiaren barruan, Hechizo & Duende izeneko ikuskizuna eskainiko dute Ivan Vargas dantzariak eta Dúo Cassadó taldeak.
Federico Garcia Lorcaren alderdi musikalaren inguruan musika eta dantza uztartzen dituen ikuskizuna dela azaldu dute antolatzaileek, "Garcia Lorca duela 125 urte jaio zela ospatzeko". Ivan Vargas "nazioarteko dantzari ospetsuak" flamenkoa dantzatuko du, eta Dúo Cassadó taldekoek jarriko dute musika: Damian Martinezek biolontxeloa joko du, eta Marta Mollek, berriz, pianoa.
Saioa 20:30ean hasiko da, eta sarrerak hamalau eurotan daude salgai, eta hemen eskura daitezke.