Beste urte batez, gazteen arteko tortilla patata lehiaketa egingo dute abuztuaren 7an Getarian. Salbatore jaien egitarauaren barruan kokatutako ekintza da, eta IX. edizioa izango da aurtengoa.
14-18 urte bitarteko gazteek parte hartu ahal izango dute bertan, eta binaka izango da txapelketa. 11:00etan hasiko da, eta parte hartzaileek 12:30erako bukatu beharko dituzte beraien tortillak. Bikote bakoitzak zartagina, labana, sardexka, eta osagaiak nahasteko nahiz buelta emateko edozein ontzi etxetik eraman beharko ditu. Aldiz, antolatzaileek lauzpabost patata, 8 arrautza, olioa, gatza eta sua eskainiko dizkiete parte hartzaileei.
Epaimahaiak kontutan hartuko ditu hurrengo puntuak: tortillaren itxura, tortillaren zaporea eta sukaldarien jantzien originaltasuna. Izena emateko azken eguna uztailaren 28a izango da Turismo Bulegoan, eta antolatzaileen gomendatu dute lehiaketara praka luzeak jantzita joatea, "min ez hartzeko".