Getariako San Anton mendian egurrezko jolas eremua atondu du udalak, eta dagoeneko erabilgarri dute herriko haurrek nahiz txangoa egitera joaten diren bisitari txikiek.
Azken egun hauetan egin dituzte lanak, eta udalak jakinarazi du Lurkoi enpresa arduratu dela lanez, eta 14.883 euro kostatu dela guztira. "Denbora luzean irauten duen egurra" erabili dute jolas parkea osatzen duten atalak egiteko.
Proiektua Iturzeta herri eskolako haurrek proposatu zutela azpimarratu du udalak, aurrekontuen inguruan udalak urtero herriko eragileekin egiten duen bileran.
