Atzo egin zen Valentzian [Herrialde Katalanak] The World's 50 Best Restaurants egitasmoaren ekitaldia eta bertan munduko 50 jatetxerik onenenak izendatu zituzten. Aurtengoan ere onenen artean da Aitor Arregik zuzentzen duen Getariako Elkano jatetxea, 22. postuan hain zuzen ere. Iaz 16. postuan kokatu zen Getariako jatetxea, eta aurtengoan postu gutxi batzuk atzera egin dituen arren, munduko jatetxerik onenen artean dago, lehen 25 postuen artean, gainera.
The World's 50 Best Restaurants zerrenda osatzeko 1.040 aditu gastronomikoren iritzia hartzen du kontuan Britania Handiko hainbat komunikabide biltzen dituen William Reed enpresak; horien artean daude sukaldariak, ostalariak, kazetariak eta aditu gastronomikoak.