Txirimiri Market azokaren bigarren edizioa egingo dute asteburuan Getarian. Aurreko urtean egitasmoak izan zuen harrera ona ikusita, aurtengoan berrikuntzekin iritsiko da. Pop-Up Store formatuan egingo dute azoka Elkano kaleko lehenengo zenbakian; hau da, astebururako soilik irekiko dute eta Euskal Herriko bost marka bilduko dira: Barock Jewlryk 3Dan inprimatutako bitxiak eskainiko ditu; KB sisters markak poltsak eta motxilak; Natural Killerrek kirol arropa eskaintzen du; Nilö Donostik moda diseinuak eta Qordattak bitxiak.
Azoka larunbatean eta igandean 11:00etatik 20:30era izango da zabalik.