Itsasargi energia komunitatea aurkeztuko dute bihar eguerdian Getarian. Hitzordua Berdura Plazan da, 12:30ean, eta herritar ororentzat irekia izango da.
Energia arloan burujabeago izateko bidean, azken hilabeteetan autokontsumoa eta energia bide berriak bultzatu nahian aritu dira herrian bai Getariako Udala, bai hainbat eragile, eta bihar pauso berri baten aurkezpena egingo dute.
Itsasargi energia komunitatea zer den, zer helburu dituen eta hurrengo pausoak zein izango diren azalduko dute, besteak beste.