Getarian ere egingo dute San Silbestre lasterketa urteko azken egunean, eta udalak bi alderdi sustatuko ditu: kirola batetik, eta umorea, bestetik. Horregatik, jakinarazi du 100dik gora sari zozkatuko dituztela aurten parte hartzaileen artean, eta eskerrak eman dizkie herriko enpresa, saltoki, taberna, jatetxe eta abarri, sariak eskaintzeagatik esku zabaltasunez.
Emakumezko eta gizonezko irabazleek ere beren saria izango dute aurten, eta baita mozorro originalenarekin parte hartzen duen norbanako edo taldeak ere.
12:00etan izango da lasterketa irekia, nahi duen herritar orok parte hartzekoa, eta ondoren ohiko helduen proba hasiko da.
Izena 11:00etatik 11:45era eman beharko da plazan.