Uxue Alberdik bere azken ipuina aurkeztuko du gaur 17:00etan Getariako Liburutegian: La Belle. Getariar baten bizipenak ditu oinarri istorioak, German Rodriguez German txiki-renak, "horiek fikzioz jantzi" dituen arren. Rodriguezek 43 urte egin zituen zirkuan lanean, La Belle izeneko pertsonaia interpretatuz askotan, eta lanetik erretiratu ondoren itzuli zen Getariara, Alberdi herrian bizitzen jarri zen garaian.
Orain, Alberdik istorio bat josi du "zirkuaren tristura eta lilura, fokuak eta itzala biltzen dituena".
Hidalgo Garciak egin ditu ipuineko ilustrazioak, eta Elkarrek argitaratu du.