Getariako Gaztetape eta Malkorbe hondartzak garbitzeko ardura hartu du Urritza aisialdi taldeak, eta egitasmoa herritarrengana zabaldu du, herriko haurrak eta gurasoak animatuz jardueran parte hartzera.
Hondartzak bihar goizean garbituko dituzte, 10:00etan hasita, eta aurreko egunetan izena emateko tartea zabalik eduki du aisialdi taldeak. Epea amaitu den arren, ziur azken uneko boluntarioak ere beso zabalik hartuko dituztela.