Atzo, abuztuak 6, XXIV. Salbatore txapelketaren finala jokatu zen Getariako frontoian. Beroak bero, hiru kategoriatako pilotariak jo eta su aritu ziren, ikusleen begiradapean.
Kadeteen mailan, Uriarte eta Calvo 22-8 gailendu zitzaizkien Galartza eta Egañari. Jubeniletan, aldiz, Mikelarena-Agesta bikotea estuago ibili zen Illarregi eta Garaño menperatzeko, 22-21eko emaitzarekin. 23 urtez azpikoetan Etxaniz eta Eskuza izan ziren garaile, Oskoz eta Agirre 11 tantotan utzita.