Haurren VII. Elkano Sariko eta emakumeen V. Elkano Sariko finalak jokatu dira Getariako frontoian pasa den asteburuan. Larunbatean haurren txanda izan zen; igandean, berriz, emakumeena.
Benjamin, kimu eta infantil mailan jokatu da haurren aurtengo Elkano Saria, eta kategoria horietako finalak jokatu ziren larunbatean herriko frontoian. Benjamin mailan, Aranburu eta Egigurenek 22-11 emaitzarekin irabazi zieten Juaristi eta Orozkori. Kimuen kategorian, Ansola eta Urrestillak eraman zituzten irabazleen garaikurrak Aranburu eta Bordagarairi 16-6 emaitzarekin irabazi eta gero. Amaitzeko, infantil mailan, Aldazabal eta Juaristi izan dira txapeldunak Etxaniz eta Alvarezi 18-7 emaitzarekin irabazi ondoren.
Igandean jokatu ziren emakumeen V. Elkano Sariko finalak. Txapelketa hau promesa eta elite kategoriatan jokatu da. Promesatan, Zabaleta eta Oskoz izan dira irabazleak Ibarrola eta Berrocali 22-10 emaitzarekin irabazi ondoren. Elite mailako neurketan, Iturriaga-Mendiburu eta Ruiz de Infante-Oses bikoteak neurtu ziren. Irabazleen garaikurra lehenek eraman zuten finala 22-15 emaitzarekin irabazi eta gero.
Larunbatean, 17:30etik aurrera, jokatuko dira frontoian eskuz binakako XXIIII. Salbatore Pilota Txapelketako finalak.
Argazkiak: Ibon Gereka.