Asteburu honetan Getarian ospatu dituzten Euskal Jaien barruan Trikitilari Gazteen XXI. Txapelketa jokatu zen larunbat arratsaldean. Zaletuek ez zuten hutsik egin, eta Berdura plazan jarritako eserlekuak bete egin ziren trikitilari eta panderojole gazteen lana ikusi eta entzuteko gogoarekin.
Bost bikotek hartu dute parte aurtengo txapelketan, eta epaimahaiaren esanetan Villabonako Maitane Iturrioz Rezolak eta Eider Amenabar Gonzalez errenteriarra izan dira onenak. 54 puntu jaso zituen bikote gazte honek egindako lanak. Bigarren saria eskualdean geratu zen: Araitz Etxaniz Azpiazu azkoitiarrak eta Enaitz Alberdi Alkorta azpeitiarrak 51 puntu jaso zituzten. Hirugarren saria, berriz, Ianire Segurola Tolosa hernaniarrak eta Astigarragako Elaia Diaz Berozeko jaso zuten 48,75 punturekin.
Argazkiak: Erun Ortiz.