Udaleku irekietan izena emateko epea zabaldu du Getariako Urritza aisialdi taldeak. Udalekuak uztailaren 4tik 29ra izango dira, eta izena emateko epea, berriz, maiatzaren 15era artekoa da; hau da, hurrengo asteko igandera artekoa.
Izena emateko bi bide daude. Batetik, Gaztelekura bertaratuta –ostiraletik igandera egoten da zabalik–; bestetik, hemen klik egin eta eskuorri hori urritza.udalekuak@gmail.com helbide elektronikora bidalita.
Antolatzaileek ohartarazi dute ez dutela epez kanpoko izen-ematerik onartuko, eta harremanetarako telefonoa ere jarri dute herritarren eskura: 688 71 25 10 zenbakia da hori.