Getariako talde feminista da Mariñak, eta gaurkoa egun garrantzitsua izan arren egutegian, herrian ez dute protesta ekintzarik eta bestelakorik egingo. Azaldu dutenez, taldean emakume gutxi dira, eta horregatik, gaur eskualdean nahiz Donostian egingo diren manifestazioetan parte hartzera deitu dituzte herritarrak. Jakinarazi dutenez, beraiek Donostiko protestan izango dira – 18:30ean hasiko da manifestazioa Antiguako tunelean–.
Horrez gain, taldea sendotu ahal izateko beren bileretara joatera deitu dituzte Getariako emakumeak: "Mariñak taldea herritarrei zabalik dago, eta bertan parte hartzera animatzen zaituztegu. Asteartero elkartzen gara Gaztetxean, 18:30ean". Mezu bidez harremanetan jartzeko, berriz, marinak.gtf@gmail.com da helbide elektronikoa.