Getariak irabazi du Camargoko Bandera

Dorleta Agiriano Lai 2021eko uztailaren 10a
Deskargatu Info Ahotsak :
Español English Français Català Galego

Pedreñari 2 segundoko aldea aterata nagusitu da 'Esperantza' Kantabrian, eta lidergoari eutsi dio KAE1 ligan. Telmo Deungo mutilak, aldiz, zortzigarren sailkatu dira gaurkoan, eta bederatzigarren egin du Oriok.

Maliañon (Kantabria) izan dira gaurkoan KAE1 ligako mutilak. 17:00etan ekin diete estropadei, eta bigarren txandan aritu dira Telmo Deun eta Orio, Camargorekin batera. Zumaiarrak azkarrenak izan dira haien txandan, 20:11,14 denborarekin. Oriotarrak bigarren helmugaratu dira, 2 segundo beranduago, 20:13,67 denbora egin baitute.

Getariako Esperantza, bestalde, laugarren txandan uretaratu da. San Pedrok, Pedreñak eta Kaikuk jokatu dute aldi berean, baina getariarrak nagusitu dira 19:45,47 denbora eginda. Gertutik jarraitu die Pedreñak (19:47,86); hirugarrena izan da Kaiku (19:55,06) eta laugarrena San Pedro (20:04,07).

Esperantza ontziak lortu du denborarik onena gaurko estropadan, eta beraz, etxera ekarriko du Camargoko Bandera. KAE1 ligako sailkapen orokorreko lidergoari eutsi diote getariarrek, 66 punturekin. Bigarren postuan dago Pedreña eta hirugarrenean Kaiku, 63 punturekin biak. San Pedrok 62 puntu ditu.

Gaurko estropadan lortutako postu berdinean dago Zumaia sailkapen orokorrean: zortzigarrenean. 39 puntu ditu oraingoz, baina alde handia ateratzen dio zazpigarren postuan dagoen taldeak, Deustok: 52 puntu ditu. Orio bederatzigarrena da, 28 punturekin.

Estropadako sailkapena

  1. Getaria. 19:45,47 (13 puntu)
  2. SDR Pedreña. 19:47,86 (12 puntu)
  3. Arkote Uribe Kosta. 19:52,88 (11 puntu)
  4. Kaiku Berez Galanta. 19:55,06 (10 puntu)
  5. San Juan-Orereta berrikuntzak. 19:59,01 (9 puntu)
  6. Deusto-Bilbao. 20:02,86 (8 puntu)
  7. San Pedro. 20:04,07 (7 puntu)
  8. Delteco-Zumaia. 20:11,14 (6 puntu)
  9. Orio-Orialki. 20:13,67 (5 puntu)
  10. Castro Producha. 20:28,81 (4 puntu)
  11. Astillero. 20:43,13 (3 puntu)
  12. Camargo Cueva el Pendo. 20:45,21 (2 puntu)
  13. Lapurdi-Antton Bilbao. 20:48,85 (1 puntu)

Sailkapen orokorra

  1. Getaria. 66 puntu
  2. SDR Pedreña. 63 puntu
  3. Kaiku Berez Galanta. 63 puntu
  4. San Pedro. 62 puntu
  5. San Juan-Orereta berrikuntzak. 55 puntu
  6. Arkote Uribe Kosta. 54 puntu
  7. Deusto-Bilbao. 52 puntu
  8. Delteco-Zumaia. 39 puntu
  9. Orio-Orialki. 28 puntu
  10. Castro Producha. 20 puntu
  11. Camargo Cueva el Pendo. 18 puntu
  12. Astillero. 16 puntu
  13. Lapurdi-Antton Bilbao

Kirola Getaria

Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide