Lan istripu larria gertatu da Getarian 15:45ak aldera. Igarategi industrialdean, traktore bat gidatzen ari zen langile bati ibilgailua irauli zaio eta hil egin da istripuak eragindako zaurien ondorioz. Urola Kostako HITZAk jakitera eman duenez, gizon aizarnazabaldarra da Getarian zendutakoa. Ertzaintzak azalduaren arabera, larrialdi zerbitzuek tokian bertan artatu dute gizona, baina oso larri zaurituta zegoen eta ezin izan zuten gehiago egin.