Martxan da Euskaraldiaren bigarren edizioa, eta horrenbestez, egunotan, Hamaika arrazoi elkarrizketa sortako bideoak argitaratuko ditu Urolako Komunikazio Taldeak (UKT). Zehazki, Urola Kostako 11 herritako aurpegi ezagunek euskararen eta Euskaraldiaren inguruko galderak erantzungo dituzte. Bigarren bideoa da gaurkoa, eta zehazki, Aitor Arregi sukaldari getariarra izango da gonbidatua.
Hamaika arrazoi sortako elkarrizketak Urolako komunikazio Taldea osatzen duten tokiko hedabideetan –Baleike, Karkara, Uztarria, Maxixatzen eta Zarauzko Hitza–, Urola Kostako Hitzaren atari honetan nahiz Erlo Telebistan izango dira ikusgai 19:00etan hasita.
Atzo argitaratu zuen UKT-k lehen elkarrizketa, Iñaki Gabarain txirrindulari ohi aizarnazabaldarrari egindakoa, hain zuzen ere.