Hainbat ekitaldi uztartuta, Mendi Astea antolatu du Getariako Udalak urriaren 15ean eta 18an. Ostegunean, 19:00etan hasita, Eñaut Izagirre medizaleak hitzaldia emango du Iturzaeta aretoan, eta ondoren, Incognita Patagonia: Abentura eta Zientzia filma eskainiko dute.
Igandean, aldiz, ibilaldia egingo dute Getariako inguruetatik 9:00etan elkartuta, eta arratsaldean, 18:30ean, Harria Herria, Nebula, eta Cholitas filmak eskainiko dituzte, horiek ere, Iturzaeta aretoan. Emanaldi horietako sarrera doan izango da, baina izena eman beharko da aurrez Getariako turismo bulegoan edo 943 14 09 57 telefonora deituta.