Getariako Arraun Elkarteak gaur jakinarazi duenez, gizonezkoen traineruan ez da aldaketa handirik izango hurrengo denboraldian. Batetik, arraunlarien gehiengoak adierazi du taldean jarraitzeko asmoa, eta bestetik, entrenatzaile lanetan segituko du Jon Larrañagak, beste denboraldi batez gutxienez. Hirugarren urtea izango da Larrañagarentzat, eta GAEren arabera, "azken bi urtetako lan onari jarraipena emango dio" datorren sasoian ere.
Albiste honekin, "itxaropentsu egoteko arrazoiak" dituztela azaldu dute GAEko kideek.
KAE1 ligan lehiatzen da Getariako Esperantza trainerua, eta hirugarren postua eskuratu dute aurtengo sailkapen orokorrean.