Getariako Udalak udaltzain laguntzaile aritzeko lan deialdia egin du. Hain zuzen ere, uda sasoian, hiru hilabetez, trafikoa eta aparkalekuak kontrolatzeko zeregina izango dute udalak kontratatuko dituen 11 lagunek. Eskaintza Lanbideren bitartez egin du udalak, eta herritarrek maiatzaren 22ra arte egin ahal izango dute eskaera.
Lanpostura aurkezteko beharrezkoa izango da lanik gabe egotea nahiz Lanbiden izena emanda izatea, baita gutxienez 18 urte edukitzea ere. Gainera, lanpostua eskuratzeko beharrezkoa izango da Urola Kostan bizitzea, hezkuntza ziurtagiria eta autoko gidabaimena izatea, euskaraz hitz egiten eta idazten jakitea eta aurrekari penalik ez izatea. Bestalde, kontuan hartuko dituzte lanpostuan esperientzia eta familia ardurak izatea eta Getarian bizitzea.