Berrehun marihuana landare atzeman ditu Ertzaintzak bart, goizeko 4:00ak aldera, Getariako industria pabiloi batean. Ertzaintzaren arabera, pabiloira sartu dira, kanpoaldean bi auto ikusi eta lapurretan ari zirela susmatu ondoren.
Pabilioi horretan zeuden bi pertsonak identifikatu eta atxilotu egin ditu Ertzaintzak, osasun publikoaren aurkako delitua eta argindar publikoan iruzurra egitea leporatuta. Atxilotutako bi pertsonak arratsaldean askatu dituzte, eta epailearen aurretik pasatzeko deiaren zain dira.