Otsailaren 10a bitartean aurkeztu daitezke lanak Getariako inauterietako kartel lehiaketara. Adin guztietako getariarrek hartu dezakete bertan parte, eta gehienez ere bi lan aurkeztu ahal izango du bakoitzak; 16 urtetik beherakoen kasuan eskuz egindakoak izan beharko dute.
Lanak egileen sinadurarik gabe aurkeztu beharko dira udaletxean edo liburutegian, eta epaimahaiak lanak entregatzen diren astean bertan hartuko du erabakia. Hainbat sari izango dira: 2-5 urte bitartekoentzat oparia; 1. mailatik 3. mailara, oparia; 4. mailatik 6. mailara, oparia; 12-15 urteko gazteak; 60 euro; eta 16 urtetik gorakoentzat, 150 euro.
Kartel irabazleek Getariako Inauteriak 2020ko jai egitaraua iragarriko dute. Bestalde, aurkeztutako lan guztiak udaletxeko sarreran izango dira ikusgai, otsailaren 17tik 25era.