Hika konpainiaren Txarriboda antzezlana Getariara helduko da datorren astean. Hain justu ere, abenduaren 15ean, igandea, antzezlanaz gozatzeko aukera izango da Iturzaeta aretoan.
Udaletik jakinarazi dutenez, sarrerak gaur jarri dituzte salgai. Turismo Bulegoan eskura daitezke, 8 euroren prezioan.
Sei aktorek hartuko dute parte antzezlanean, zuzeneko musika lagun dutela. Antzezlanak, ordea, badu berezitasun bat: ospakizunaren parte izango da ikuslegoa ere. Aktoreen inprobisazioari bide emanez eraiki dute kontakizuna.