Getariako Karta Sozialak ikasturte berriko lehen hitzaldia antolatu du datorren ostegunerako, urriaren 3rako. Hain zuzen feminismoari buruzko ekitaldiak antolatzen ari dira eta lehenengoa Itziar Zigaren hitzaldia izango da.
"Gaur egun feminismoaren gaia puri purian dagoela ematen duen arren eta badirudien bat-batean denok bihurtu garela feministak, gure ustez ez da horrela eta itxurakeria da gehien gehiena. Eguneroko bizitzan eta ekintzetan ikaragarri daukagu ikasteko eta aldatzeko zer esanik ez. Horregatik karta sozialetik, Getarian ere hor sakontzeko beharra ikusten dugu eta segiko dugu ikasturte honetan zehar ere aurreko urtekoari segida emanez gauzak antolatzen feminismoaren inguruan".
Itziar Ziga (1974 Errenteria), idazle, kazetari eta ekintzaile feminista da. Bartzelonan bizi izan zen hainbat urtez bertan hainbat erakundetako kide izan da Front d'Alliberament Gai de Catalunyan, ex_dones ... Andra egunkarian idazten zuen, gaur egun GARA egunkarian zutabegile da. Hainbat liburu argitaratuak ditu beti feminismoa ardatz, azken biak Sexual Herria (2011) eta Malditas (2014) dira. Feminista trangresorea da Itziar bai bizitzan eta baita diskurtsoan ere, inolaz ere ez politikoki zuena.