Denboraren makina prest dute Getarian, bihar gauean, 23:00etatik aurrera, 80. hamarkadara itzuliko baitira herrian. Izan ere, 80. hamarkadako gaia oinarritzat hartu eta ikuskizun "paregabea" prestatu dute. Getariako Udaletik jakinarazi dutenez, inoiz egin den konpartsarik jendetsuena izango da, "adin ezberdinetako herritarrak ikusiko ditugu dantzan, eta beraz, giro aparta espero dugu Salbatore egunerako Getarian".
Herrian 80. hamarkadako giroan murgiltzeko, egunean zehar, 80ko hamarkadako arropak jantzi eta kolore zein musika eztandarekin bat egitera gonbidatu dituzte herritarrak.